اقتباس:
المشاركة الأصلية كتبت بواسطة kuwaitawya
اخوي سفاري انا فكرت بالاي فون وشفت انه فيه عيوب وايده وهم كان عاجبني بس في محلات يغشون في بيعه يقولون مفتوح رسمي واهو بالاساس مو مفتوح من الشركه يكونون حاطين له تيربو سيم ويبيعونه بنفس سعر المفتوح!! وكانو حاطين شرح عشان شلون نعرف اذا كان صج مفتوح ولا حاطين له تيربو سيم بس ماقتنعت في الطريقه لانه في ناس يقولون انه هالطريقه ماتبين عدل وبعدين شلي بعوار الراس اروح المحل واقوله هل الجهاز مفتوح من الشركه ولا لا؟ واسوي الطريقه المعقده اللي قالو عنها وعاد انا مو خبره ولا اعرف شلون اكتشف صاحب المحل اذا كان صاج ولا جاذب!! فقلت مابي اشتريه ويطيح بجبدي!! والله لو كنت اثق في محل واعرف انه يبيعه مفتوح من الشركه مو عن طريق تيربو سيم جان شريته وما شريت ال G1
|
الاخت kuwaitawya
ما في تلفون كامل, حيرتج في اختيار التفلون خلاج توسوسين وايد وتتحسسين من اي تلفون فيه عيب بسيط, تعوذي من ابليس الرجيم وتوكلي على اللي ما خاب من توكل عليه واخذي الامور ببساطه راح تتوفقين بأذن الله.
ودي ادخل في موضوع الاي فون وابرر الاسباب اللي تكلمتي فيها لكن الامر منتهي قبل لا اتكلم.
بالتوفيق ان شاء الله مع تلفونج اليديد