بسم الله الرحمن الرحيم
اعضاء المنتدى العزيز
اسعد الله صباحكم
حكاية الوينوز فون مع التحديثات شغله جابت لنا الهم ثلاث اشهور وحنا وصل التحديث لا ماوصل افرجوا عنه لا للحين مسجون
لكن اليوم جايب لكم خبر راح يفرحكم ان شاء الله اللي هو تحديث وينوز فون لشهر مارس الحمدلله ثبته امس مرتين مو مره وحده
اول مره والجهاز مفتوح الحمايه وثاني مره الجهاز محمي بعد ماعملت له ريستور بعد طلب برنامج الزون مافهمت الطلب حقه لان لغتي الانجليزيه كلمتين ايه وعشر كلمات لا لكن سويت الريستور ورجع النسخه القديمه بدون تحديث شهر مارس الشي هذا سبب لي صدمه لاني توقعت راح يسوي ريست للجهاز ويرجع الحمايه فقط لكن جاب العيد وضاع علي التحديث حاولت ارجعه لكن ماقدرت على نفس الجهاز فافكرت اعمل نفس الطريقه على جهاز ثاني ولكن هالمره بدون فك حمايه سويت ريست للجهاز واللي اتوقع بعد الريست هارد ترجع الحمايه على حسب خبرتي المتواضعه
المهم ما ابي اطول عليكم
الطريقه كالتالي:
اولاً:- الواي فاي واتصال البيانات لازم نلغيهم وانحطهم على off
ثانياً:- نفتح برنامج الزون
ثالثاً:- نشبك الجهاز بالكيبل usb
رابعاً:- ننتظر لما ينتهي من عملية التزامن
خامساً:- Update < Phone < Settings
سادساً:- من آول ما تبداء عملية البحث عن التحديث احسب ثلاث ثواني بالضبط بعدها على طول افصل الانترنت نهائياً عن الكمبيوتر ان كان وايرلس او اايثرنت
سابعاً:- اول ماتفصل النت بعد الثلاث ثواني( مهمه جداً لازم تكون ثلاث ثواني) راح يطلع التحديث قدامك تضغط على الامر ثم تنتقل للنافذه اللي بلون اسود الخاصه بالتحديث
ثامناً:- قبل لا تضغط على بداية عملية التحديث لاتنسى تعيد الاتصال بالانترنت مره ثانيه
تاسعاً:- ابداء في عملية التحديث على بركة الله وراح يستغرق تقريباً ربع ساعه او على حسب الاتصال
عاشراً:- اي استفسار انا تحت امركم 
السموحه منكم لحد الان ما اقدر احط الصور فالموضوع ولا حتى روابط وبالتاكيد الفكره من منتدى اجنبي
وياليت تعطوني خبر عن الصوره الاخيره اللي فيها رقم التحديث والكلام اللي تحته لانها طلعت لي مره ثانيه
على دروب الخير نشوفكم