اقتباس:
المشاركة الأصلية كتبت بواسطة noura322
شوف الصراحة انا مجربتش الاي باد لكن جربت الايفون ولاي بود تاتش وهما نفس النظام لكن مع اختلاف الاحجام
برامج الاي باد الصراحة لا يعلي عليها برامج والعاب سواء بالجيل بريك او من غير لكن طبعا مافيش حرية في النظام زي الاندرويد يعني مش هتقدر تستغني عن الكمبيوتر
انا بالنسبة لي مش عاملي
عشان كدة انا اخترت الجالاكسي تاب لانه في حرية في النظام واقدر استغني عن الاب توب وانا برة ومقعدش بقي استني الجيل بريك نزل ولا ليسه
بص شوف انت احتجاتك ايه بالظبط لو العاب وبرامج وكدة خليك علي الاي باد احسن بطاريته جامدة جدا والتاتش بتاعة فظيييييييع ومش بتلاقي بقي تهنيج ولا فورس كلوس ابدا
وياريت لو عمر يرد عليك برضه لانه عنده الجهازين
|
اهلا نورا ازيك مش باينه ليه لاقيتي اي اكسسورات للجهاز ؟ انا امبارح عديت علي سيلكت كارفور ولسه ماننزلتش حاجه .
بخصوص الايباد فعلا زي ماقلتي بالظبط انا حاليا معايا الاتنين.. الايباد برامج حكايه سرعه لا تقارن والتتش لا يعلي عليه وبعد مانزلت IOS5 والجيلبريك بتاعه بقي في حريه كبيره وطبعا ما ننساش الجيم ومشاهده الافلام بدون قلق من البطاريه والاكسسورات حدث ولا حرج.
الجلاكسي تاب 7.7 تصميم ممتاز اول مره تتطلع من سا مسنج الشاشه مبهره وزن خفيف وعملي البطاريه ماشي حالها ومش مشكله يعني مش حتزعلك لو اقتصدت في الاستخدام وماجريتش ورا مغريات الويدجت والشاشات المتحركه وخلافه0 وميزه الفلاش في التصفح اللي مش مومجود في الايباد والبلوتوث وممكن تعمل مكالمات بس البرامج والجيم حتي الان مش في جوده الايباد والماركت علي قد حاله وعلشان تنزل الماركت الامريكي محتاج لفه الهاني كومب مش قوي والتتش ويز بتاع سامسنج فضيحه اول حاجه عملتها وقفته ونزلت لانشر تاني.
من كل الرغي واللت ده كله اتمني تكون حددت انه جهاز اللي يناسب استعمالك.