السلام عليكم
الأخ الفاضل
إشتريت نفس الجهاز بالظبط زي حضرتك
وقابلني نفس المشاكل بالتفصيل زي ما حضرتك وضحت بالتمام
لكن ما عدا عيب حضرتك ماذكرتوش وحتلاقيه عندك أكيد وهو إن سنسور الشاشة لما بتكون في وسط مكالمة بيهيس او معيب لإنه المفروض وظيفته أصلا يخلي الشاشة منورة لما الجهاز يكون مش علي الأذن وبيضلمها لما بتكون علي الأذن لكنه للأسف بيخلي الشاشة تنور وتطفي بشكل عشوائي وهو مش علي الأذن وده عيب مضايقني جدا
وللأسف ده يعتبر غش من البائع إنه مش بيوضح العيوب دي لأني إكتشفت بالصدفة إن العيوب دي في كل الموديل ده مش مجرد جهاز واحد أو عيب صناعة غير متكرر ولا فايروس مثلا وحضرتك رابع جهاز اشوف فيه نفس العيوب دي
عموما الحمد لله محدش بيتعلم بلاش وحسبي الله ونعم الوكيل في الأخ حاتم اللي باعه لي من عالنت.
المهم أنا سعدت بحضرتك جدا وياريت نتعاون في موضوع حل مشكلة السوفت وير ده خصوصا موضوع الواي فاي اللي بيفصل ومش بيشتغل غير لما يتعمله ريستارت والكيبورد لما تعلق وشوية مشاكل مشابهة من النوع ده في بعض الوظائف وعلي فكرة أنا أعرف واحد ممتاز في صيانة الموبايلات وخليته فتح الجهاز علشان كنت عاوز أغير سنسور الشاشة ده ولكن للأسف مالقيتش بديل متتطابق لحد دلوقت واللي قهرني جدا إنه قال لي إن الجهاز ده مفتوح قبل كده ووراني الدليل علي كده علشان كده باقول وازيد حسبي الله ونعم الوكيل فيك يا حاتم ياللي بعت لي الموبايل ده ب 1250 جنيه أختصمه يوم القيامة إن شاء الله