على الأقل نشوف مباريات وأرحم من زمن ART بمليون مره ما نبخص حق الجزيرة في ذلك ويكفي ان بمقدور الكل مشاهدة كأس العالم وبأسعار رمزيه أن وضعناها أمام عدد المباريات . والجزيره كما ذكر أحد الأخوان حصلت على المرتبه الثانيه من حيث التغطيه ومن قبل الفيفا .
بخصوص نقل المباريات على اليوتيوب أعتقد وشبه متأكد أن هذا يخالف قوانين الحقوق والملكية لفيفا فتجد أن اليوتيوب يحذف مقاطع الأهداف .
أما المحللين فيا خوي هلالي طوف إحنا اشنبي غير نشوف مباراة . وعلى فكره الدور التمهيدي إلى الدور 16 تقريباً المعلقين أكثرهم يتفلسفون أكثر من اللازم وعن نفسي أستثني المعلق السعودي اللي ما يحضرني اسمه ولا أنا سعودي مشان احد يقول عنصري لكن جد والله ملينا منهم ما قمنا نشوف معلقين على الكره وكل اللي نشوفه ناس ماسكه اوراق وتلقي محاضرات تاريخيه . وفي معلق مصري يا كثر ما يطري الفلوس .
وفي نقطه تحسب للجزيرة بتقاعدهم مع مشاهير الكره من مدربين ولاعبين . وأأخذ على المحللين العرب انهم كثيرو الكلام ويعصبون وتصير فيهم حرقه أكثر من المحلل الموجود جدامهم اللي هو من نفس بلد المنتخب المهزوم حتى بعضهم يستغرب 
ونحصلهم يشخصون ويذكرون أسماء ... يعني خبراء 
اما الغربيين يتكلمون بشكل عام وعن عمل الفريق ككل .
وعن مصطفى الأغا الرياضه وين وهذا وين .. حده مثل ما ذكرو الأخوان مقدم مسابقات لا والحين يعني طالع طلعه في كاس العالم 2010 قام يستضيف كل ساقطه ولاقطه برنامجه اقرب ما يكون جذب مسابقين لحساب MBC .
وعندي ملاحظه مادري أحس فريق أوربت الرياضي من مقدمي ومحللين برامج اكثر شخصية ومميزين في المناسبات الرياضية . وعهدي فيهم من قديم ومادري وين اخبارهم .