ممكن طريقة ترقية الجالاكسي إس 2

[Mr IPad]

السلام عليكم

انا جديد في عالم الأندرويد صار لي أكثر من أسبوعين تقريبا وخلال هذي الفترة كنت أتابع المواضيع هنا في المنتدى موضوع موضوع حتى أتعلم لي شي يفيدني ولكن دائما أطلع بأشياء بسيطة ما تفيدني بالنهاية بمعلومات كبيرة ولذلك محتاج إلى ان أحد يشرح لي كيفية الترقية من فريم وير إلى آخر " مثل ما تسموهم الرومات" وتحددون لي افضل روم "فريموير" موجود حاليا وشنو مميزاته وهل يخفض من استهلاك البطارية أو لا " كلنا نعرف المشكلة المتعارف عليها ألا وهي البطارية " أنا أشحن البطارية باليوم مرتين صراحه وما تدوم عندي أكثر من 16 ساعه

حددوا لي إذا ماعليكم امر كيفية الترقية و ماهي أفضل نسخة موجوده حاليا
ورجاءا أتمنى الطريقة بكل تفاصيلها ومعلوماتها والاشياء اللي أحذر منها حتى لا اسويها بالخطأ واتورط واخرب الجهاز لا قدر الله

وحتى لو في معلومات يفضل ان اطلع عليها او أن اسويها بعد لا تبخلون علي الله يجزيكم خير

اتمنى تفيدوني واكون شاكر لكم

[AMJADROID]

عليكم السلام
اولا مبروك على الجهاز واذا كنت جديد في عالم الاندرويد انشالله راح يعجبك وراح تظل على الاندرويد بس يبيلك شوية معلومات
بالنسبة لمسالة الرومات اولا لازم تحدد نوع الروم اللي عندك حتى اقدر احددلك اذا كان هذا الروم ممتاز في الصرف او لا
عموما بالنسبة للرومات الممتازة من ناحية الصرف هي JPKG2 و JPKG5
بالنسبة لطريقة تركيب الرومات فهي تتم عن طريق برنامج الاودن
بالنسبة لطريقة تركيب الروم JPKG2 عن طريق هذا الفيديو

وتقدر تستخدم نفس الطريقة لروم الثاني JPKG5
اتمنى اني افدتك

[Mr IPad]

الله يبارك بحياتك إن شاء الله

أنا جديد بعالم الأندرويد إي نعم

والأندرويد عاجبني ولكن لازلت غير متقن للتعامل معه

البيس باند لجهازي هي I9100XXKF1
والكيرنل فيرجن هي 2.6.35.7-I9100JPKG2 ومعاها بعد ارقام وحروف ورموز

بس شنو هذا الكيرنل وش هو معناته
والاودين شنو معناة الاودين وغيره من مصطلحات أحتاج تعريف لهذي المصطلحات الجديده علي

وشنو هي المخاطر والأشياء اللي أتحذر منها خلال عملية الترقية وشنو اللي لازم أتأكد من وجوده او أتأكد من ان انا سويته قبل الترقيه هذي امور مهم ذكرها حتى لا يطيح أحد الأعضاء لا سمح الله بمشكله بدون لا يدري وعقب يكتشف أن لو أحد علمه معلومه بسيطة بأمر مهم يسويه قبل الترقيه ما كان صار اللي صار وخسر الجهاز او ضيع وقته وبالنهاية ما استوى شي

وشلون يعني أركب روم على روم أو بالاحرى مثل ما تقولون روم مبني على روم وش معناة هذا الكلام


وبالنسبة للروم اللي قلت عنه فهذا اهو الموجود بجهازي وهو الرسمي من اول ما اشتريت الجهاز ولكن الجهاز إذا استعملته بشكل متواصل حتى 8 ساعات ما يدوم عندي الجارج فيه واضطر باليوم مرتين أو ثلاث اشحنه!

هذا اللي احتاج معرفته حاليا

وشكرا لك اخي العزيزAMJADROID

[nasr123]

والله غريبه انا شاري الجهاز جديد وهذا اليوم الثالث في استخدامه

اول ما جا الجهاز حطيته في الشاحن 24 ساعه بدون ما اطالع فيه من الكرتون للشاحن فصلته وقلت اجرب فيه اشوف مشاكل البطارية والحراة .
كرفت الجهاز كرف وعيوني طلعت من التحميل والتصفح والايميلات والالعاب واعطيه اولاد يلعبون وفرفره وتعرف اخذ معي 24 ساعه والصور موجوده عندي في الجهاز

بعد كذا انتهى من الشحن شبكته حوالي 4 ساعات وفصلته من الشاحن واستخدام متوسط لاني بصراحه ما عندي وقت اني اقعد عليه ساعات كثيره متواصله بس فيه ايميلات يمكن حوالي 5ايميلات وفيس بوك وبرنامج واتس اب وتصفح ومكالمات وتحميل بعض البرامج ........................ والان حتى كتابة هذي الرساله بكمل معي يومين والبطارية باقي فيها 12%
وجهازي باقي بوكالته ما سويت فيه شئ لا ركبت روم ولا غيرت ولا عدلت ركب وادعس

وانا مثلك باقي ما دخلت في معمعت التطوير وتركيب الرومات ولكن ان شاء الله راح ابدا فيها بعد ما انتهي من تجريب الجهاز .......... تمنياتي لك بالتوفيق ورمضان كريم

[Mr IPad]

المشكله ان مستحيل تقدر تقارن استخدام شخص لآخر في الهواتف الذكية لن مابتلاقي اثنين مثل بعض في استخدام الجهاز ولكن الكل يعاني من هذي المشكلة تقريبا فالبطارية ما تتحمل استخدام متواصل فتفرغ بسرعه

[Mr IPad]

!!!!

لاتوجد استجابة

[AMJADROID]

المشاركة الأصلية كتبت بواسطة Mr IPad

المشكله ان مستحيل تقدر تقارن استخدام شخص لآخر في الهواتف الذكية لن مابتلاقي اثنين مثل بعض في استخدام الجهاز ولكن الكل يعاني من هذي المشكلة تقريبا فالبطارية ما تتحمل استخدام متواصل فتفرغ بسرعه

فعلا صحيح البطارية حسب استخدام الشخص ماتقدر تقارن بينك وبين احد ثاني الطريقة الوحيدة اللي تقدر تقارن فيها انك تخلي بيدك جهازين وتشحنهم بنفس الوقت وتخلي فيهم نفس البرامج وتستخدمهم نفس الاستخدام وتشوف الفرق وهذي طريقة صعبة لذلك خلي كل شخص يكون مقتنع باللي عنده احسن لأن كل الاجهزه نفسها ماكو فرق كله جالاكسي أس 2

الدمج الآلي للمشاركات المتعاقبة التي لم يكن بينها 24 ساعه --------- هذه المشاركة اضيفت في 10:34 AM ----------- المشاركة السابقة اضيفت في 10:16 AM ---------

المشاركة الأصلية كتبت بواسطة Mr IPad

الله يبارك بحياتك إن شاء الله

أنا جديد بعالم الأندرويد إي نعم

والأندرويد عاجبني ولكن لازلت غير متقن للتعامل معه

البيس باند لجهازي هي I9100XXKF1
والكيرنل فيرجن هي 2.6.35.7-I9100JPKG2 ومعاها بعد ارقام وحروف ورموز

بس شنو هذا الكيرنل وش هو معناته
والاودين شنو معناة الاودين وغيره من مصطلحات أحتاج تعريف لهذي المصطلحات الجديده علي

وشنو هي المخاطر والأشياء اللي أتحذر منها خلال عملية الترقية وشنو اللي لازم أتأكد من وجوده او أتأكد من ان انا سويته قبل الترقيه هذي امور مهم ذكرها حتى لا يطيح أحد الأعضاء لا سمح الله بمشكله بدون لا يدري وعقب يكتشف أن لو أحد علمه معلومه بسيطة بأمر مهم يسويه قبل الترقيه ما كان صار اللي صار وخسر الجهاز او ضيع وقته وبالنهاية ما استوى شي

وشلون يعني أركب روم على روم أو بالاحرى مثل ما تقولون روم مبني على روم وش معناة هذا الكلام


وبالنسبة للروم اللي قلت عنه فهذا اهو الموجود بجهازي وهو الرسمي من اول ما اشتريت الجهاز ولكن الجهاز إذا استعملته بشكل متواصل حتى 8 ساعات ما يدوم عندي الجارج فيه واضطر باليوم مرتين أو ثلاث اشحنه!

هذا اللي احتاج معرفته حاليا

وشكرا لك اخي العزيزAMJADROID

عزيزي بالنسبة للروم هذا اللي في جهازك مفيه مشاكل وروم ممتاز فاذا كنت مبتدئ ومافهمت الطريقة المشروحة بالفيديو فما انصحك تحدث حاليا , وبالنسبة لصرف البطارية شي طبيعي اذا كنت تستخدمة استخدام متواصل العاب HD وتصفح طبيعي جدا
اذا كنت حاب تتعلم كيف تحدث وكيف تصير فاهم لهذي الشغلة حتى متخطأ اثناء التحديث لان خطأ واحد ممكن يخرب الجهاز نهائيا فانصحك تبحث اكثر في المنتدى وفي هذا الموقع XQ55.NET

[Mr IPad]

شكرا لك أخي على المساعدة

بس أنا حاب أطور شكل الجهاز إلى نظام فيه شكل حلو ومرتب أكثر وعجبني شمل الروم الأوروبي ولكن حظي دائما عاثر كل مره أسوي داةنلود للملف ينقطع بوسط التحميل أو يبند علي اللابتوب بدون جارج أو تصير خربطه وأكنسله بالخطأ هذا نصيبي