والله موضوع غريب

[mawaddah]

السلام عليكم ..

يا اخوان .. الآيفون أكثر من رائع بميزاته و وضوحه و الكاميرا والتتش والبرامج والألعاب و هالسوالف ..

بس اليوم .. و بعد ما قعدت أكثر من 4 ساعات على الكمبيوتروالآيفون .. وانا قاعد انزل برامج مكركه .. واحاول تشغيل البلوتوث على شان اقدر اتواصل مع التليفونات الثانية .. واحاول اخلي الآيفون مثل الفلاش ميموري على شان يكون سهل اني اسحب منه ملفات و انزل عليه ملفات ..
وقاعد أكثر من اربع ساعات .. ضبف هذا السورس و امسح هذا السورس و هذا ما يشتغل والثاني مدري شفيه .. وارجع سوي ريستارت و سيف مود و حاله ..
ياخي والله تعبت و مليت ..
يعني يوم اشوف التليفونات الثانيه .. فيها كل هالميزات بدون تعب .. اقول في نفسي .. وانا شو الي جابرني اتعب نفسي ..

مع اني من عشاق شركة أبل .. وجهازي الكمبيوترفي البيت MacPro Workstation..

و كان عندي 3gs والحين 4 .. و متابعهم بكل خطوه ..

بس سالفة الاحتكار هذي والله ذبحتنا .. يعني شركة أبل تريد توصلك لمرحلة ان كل أجهزتك في البيت تكون من نفس الشركة .. على شان الأجهزه كلها تتوافق مع بعض ..

يعني انا عندي ايفون 4 و عندي بلاك بيري .. لو بغيت اسحب اغنية من الآيفون للبلاك بيري لازم أقدم طلب للأمم المتحده عشان انقلها .. و اوصل الآيفون و سوي سينك و مدري شو .. والمواقع الي تشتغل على نظام الفلاش ما تفتح عدل على الآيفون .. على أمل ان المواقع كلها تصير تشتغل على لغة HTML5 عشان نرتاح .. وكل هذا لأن شركة أبل متزاعلة مع أدوبي .. ولو سويت أبديت للنظام يروح الجيلبريك و انتظر عاد لين ما ينزل جيلبريك مره ثانية و ادخل في حرب نفسية مع الزمن .. شكلي بشتري نوكيا الدبدوب من العصر الحجري واريح نفسي .. نظام IOS نظام مغلق بالكامل .. عكس الأنظمه الثانيه بدون ذكر أسماءها .. بصراحه شوي شوي بديت اكره الآيفون .. طبعاً الكلام هذا هو كلامي انا .. و رأيي انا .. يعني في ناس تعارضني و ناس تأيدني .. و محد يزعل الله يخليكم و تسوونها حرب الحين ..
والي عنده رأي ياليت يقوله..

[swat12]

مافي شي كامل مكمل الا

الله عز وجل