مساعده في ازالة الروت رحم الله والديكم

[3l0o0y]

السلام عليكم ورحمة الله وبركاته

اولا من فتره عملت روت لجهازي جالكسي اس3 وكانت الامور كلها اوكي والحمد الله
وكان الهدف تهكير بعض الالعاب وكانت الامور ماشيه مثل اللي ابيه

فجأه انتبهت ان برنامج التهكير كل ما بغيت افتحه يفتح ويسكر ولا يفتح ما اعطيت الموضوع اهميه

المهم بعد فتره جاني تحديث للجلي بين واللي اعرفه ان الروت يمنع التحديثات الهوائيه المهم اني سويت تحديث

واللحين نويت اني اشيل الروت لاني مو مستفيد منه برنامج التهكير وما يشتغل

اكتشفت وعلى ما اعتقد ان الروت عندي اساسا غير شغال لكن ملف السوبر يوزر موجود واذا افتحه يقول لي يبي تحديث واذا اسويه له تحديث يقول لي لم يتم التحديث

عموما شفت طريقه اني اشيل الروت وارجع الجهاز ما كأنه ركب عليه روت وارجعه للروم الاصلي ويمسح العداد كما ذكر صاحب الموضوع نزلت الروم الاصلي وجيت بطبق طبعا فيه برامج مساعده وتثبتها عالجهاز

هم برنامجين

Triangle Away و Mobile ODIN

طبعا حملتهم وثبتهم لكن لما اجي افتح البرامج تطلع لي هذي الرساله



ومن اضغط اوكي يسكر البرنامج

وين المشكله وشنو حلها الله يرحم والديكم

[ali5009]

عزيزي روح لبرنامج superuser بعدين روح setting وافتح superuser enable مو لازم يصير نفس الكلام بس اهم شي نفس المعنى

ملاحظه : إذا ما شفت superuser حمله من الماركت play store

++ لازم يكون معاك روت يعني لو حثت جوالك راح الروت = ما راح يستوي إلا لما تركب الروت اقين